ä Wächsu, ä Schweue

 
 

Das Objekt

 
Zimmerleute fertigen markante Holzbauten und prägen ein Ortsbild nachhaltig. Mit Treppen verbinden sie Räume und Menschen und entsprechen dem aktuellen Trend des verdichteten Bauens.

 

Der Standort


bei der Alten Steinbrücke, Seite Kirche
 
 

Künstler


Gruppe Skultur
 
 

Sponsor


Feldmann+Co. AG, Lyss
Anlässlich des 90+ Jubiläum offeriert das Traditionsunternehmen in Lyss das 10. ReLYef am Lyssbach.
Link: www.felma.ch
 
 
 

Die Geschichte:

 

DIE GESCHICHTE E WÄCHSU, E SCHWEUE, E STRÄBE E BUEG ANHOEREN

 

 
 
 
Eine Geschichte von Achim Parterre
 

E Wächsu, e Schweue, e Sträbe e Bueg

 
Aller Anfang sig schwär un es sig no ke Meischter vom Himu gheit u är söu guet ufpasse, der erscht Tag sig di haubi Mieti, het der Lehrmeischter gseit, wo der Ueli sini Lehr bir Fäudma z Lyss aagfange het. Är söu em doch hurti es Schregband am Sparen aazeichne, het der Lehrmeischter zum Ueli gseit, u de söu er em bissoguet der Chöttistemmer bringe, der Stächbütu u ds Chlopfhouz u ds Riisszüg u d Gsteusagi, ds Stemmise u d Bundaxt. Es isch der erscht Tag vom erschte Lehrjahr gsi u der Ueli isch zimlech ratlos ir Gägend umegstange. Är sou bir Sach si, zuelose, nachefrage, leere, het der Lehrmeischter gseit, vo nüt chunnt nüt u si gönge vor em Znüni no zäme uf e Dachstueu, uf d Sparelaag, de gsäch er einisch e schöne Bruschtzapfen, e subere Schifterschnitt. U är söu mau da häre cho, het der Lehrmeischter gseit, das sig en Ortgang u das sig e Flugpfätte. E Wächsu, e Schweue, e Sträbe e Bueg. E Rigu, en Abbund, e Grat.  E Schweuechranz, e  Pfättechranz.
 
Der Ueli het zuegluegt, der Ueli het ume gluegt, der Ueli het uf d Uhr gluegt.
 
Du muesch zur Troufi luege, Bueb, zur Troufi, nid zur Firscht, het der Lehrmeischter gseit, zur Abgrätig am Gratspare. Hie! Nid da! Nei dört! Das wott aues glehrt si, Bueb, die, Chlaue, Zäpfe, Kämm. Är söu sech die Sache merke, süsch wärd us ihm nie e Zimmermaa. So hopp itz, hü itz, ufschnüere, agrate, Mass näh, binge, chlammere. Wo hesch dis Wärchzüg, gang hou dis Wärchzüg, chasch doch nid ohni Wärchzüg! Chli hü, chli marsch, chli gib ihm, gang hou dini Sänkuschnuer, di Riissbode, dini Gratlehr. Dis Striichmääss, dis Winkuise, di Grundhobu, Handhobu, Roubank. Nid lauere, het der Lehrmeischter gseit, e Zimmermaa muess parat si, muess mit Schweue u Obhouz über e Firscht chönne. Zapfeloch u Chlauebueg mache. Büguzapfe, Scheerzapfe, Blattzapfe aschlaa! Schwaubeschwanz u Fingerzingkig. Gehrig, Stoss u Überblattig. Stäg u Keil, Nuet u Fädere. Bieli, Fuchsschwanz, Süülebohrer. U öb är ihm no zuelosi, het der Lehrmeischter gfragt. Öb der Ueli ihm überhoupt no zuelosi?
 
Buechhändler, het der Ueli dänkt, zmitts i dene Spare, Bohle, Pfätten in. Buechhändler. Ja – är hätt haut vilech doch uf e Bruefsberater söue lose.
 
 
 
 
 
 
 

Drucken E-Mail

Kontakt

Verein Tourismus Lyss - Marktplatz 15 - 3250 Lyss 

Tel. +41 32 387 07 40

 Mail an Tourismus Lyss