Gesellschaft

 

Das Objekt

Die Wesenszüge von Hermann Moser (alt Gemeindepräsident von Lyss). Jeder Mensch war ihm wichtig, und er verstand es, sich mit den unterschiedlichsten Menschen zu vernetzen. 

 

Der Standort

bei der refomierten Kirche

 

Der Künstler

Gruppe Skultur.

 

Der Sponsor

Geschenk des Geminderates Lyss.

 

 

 

Die Geschichte:

 

DIE GESCHICHTE GESELLSCHAFT ANHOEREN: 

 

 

 

Eine Geschichte von Achim Parterre

 

Gesellschaft

Wäm si das siner Goofe? Si das Müuers Goofe? Si das Mosers Goofe? Nei dir, das si Brülisouers, klar dir si das Brülisouers. So härzigi Ching, dir, so härzigi Ching!

Chum zue mer Vreni, chumm! La dä Pek la gah, dä het ja numen Ouge für d Lydia. Leg dis schöne Chleid aa u chumm mit mer z Tanz! Lue, i warte scho.

Wäm si das siner Goofe? Si das Grabers Goofe? Si das Gärbers Goofe? Nei dir, das si Sigethalers, klar dir si das Sigethalers. So härzigi Ching, dir, so härzigi Ching!

Der Bueb chunnt zu mir, der Bueb cha bi mir wohne, der Bueb nim i mit, der Bueb wott ig. Du chasch de ds Meitschi ha. I nime der Bueb u du chasch ds Meitschi ha.

Wäm si das siner Goofe? Si das Hofers Goofe? Si das Hänniss Goofe? Nei dir, das si Büttikofers, klar dir si das Büttikofers. So härzigi Ching, dir, so härzigi Ching!

Der Bueb vor Annemarie isch nid z benide. Am Mäntig isch er bim Ueli, am Zischtig bim Peter, am Mittwoch bim Dani, am Donnschtig bim Felix, am Fritig bim Roland, am Samschtig bim Thomas, am Sunntig bir Mueter. Solang me nid weiss, wär der Vater isch, blibt das eso.

Wäm si das siner Goofe? Si das Wittwers Goofe? Si das Wäutis Goofe? Nei dir, das si Fellmanns, klar dir si das Fellmanns. So härzigi Ching, dir, so härzigi Ching!

Der Roland isch vo Holland u d Svenia vo Kenia. Fingsch hütt aus im Internet, www punkt Platz im Bett. Hütt wohne si z Port u leite es Ferieresort. U zum sech vom Resort z erhole hei si e Wohnig z Wohle.

Wäm si das siner Goofe? Si das Frickers Goofe? Si das Feuzes Goofe? Nei dir nei, das si Eigemas, klar dir si das Eigemas. So härzigi Ching, dir, so härzigi Ching!

Hary, seit der Kari, im Dancing Matahari, dasch de gäng no mini Mari! Im Sari chunnt itz d Barbara. Ar Barbara luegt jede na. Der Markus het scho d Zunge duss. I ihre klingt da gar nüt a. Küsu, los, du bisch e Süchu, du weisch, mis Härz schlat für e Michu. Am haubi eis steut d Musig ab u der DJ Sunshine seit: morn isch o no e Tag.

 

 

 

 

 

Drucken E-Mail

News aus Lyss

    


 

Infos hier

 


Beitrag vom Lokalfernsehen Lyss über die Entstehung und Geschichten rund um die ReLYef

zum Beitrag

 LolyLogo klein

 


Film über Lyss (zur Verfügung gestellt von der Gemeinde Lyss)

Lyss in Wort und Ton

 


Wetter in Lyss

Kontakt

Verein Tourismus Lyss - Marktplatz 15 - 3250 Lyss 

Tel. +41 32 387 07 40

 Mail an Tourismus Lyss