Jura

 

Das Objekt

Weiche Wellen symbolisieren den gewaltigen Faltenwurf des nahegelegenen Juras, empfinden aber auch die Bewegung des Wassers.

 

Der Standort

 

 

Der Künstler

Stefan Amstutz

Lebt und arbeitet in Lyss. Das Relief am Lyssbach war sein erster öffentlicher Auftrag.

 

Der Sponsor

Nachbargemeinden, anlässlich Fest "Lyss 10'000"

 
 
 
 

Die Geschichte:

 

DIE GESCHICHTE JURA ANHOEREN: 

 

 
 
 
Eine Geschichte von Achim Parterre
 
 

Jura

Allez-les gars, dä Cheib hole mer, dä mugge mer, dä schnapper mer üs, dä lö mer la mitloufe. Der Stouz vo de Suisse Allemands, der Hirtestouz, der Purestoutz, der Tradtitionschemp! Crêt de la Neige, Le Reculet. Grand Crêt, Colomby de Gex.

Allez-les gars, dä schnappe mer üs! Sit hundertsächsesibezg Jahr schiesse si dä Chemp z Interlake über d Matte. 83 Kilo schwär sig er, der sterchscht Schwizer schiesst ne knapp vier Meter wit.

Allez-les gars, dä möge mer, de packe mer, dä schaffe mer. Les vrais béliers: Der Alain vo Soubay, der Jean-Paul vo Bonfol, vo Bémont der Clément u der Guy vo Buix, dä ma lüpfe win e Kran. Le Noirmont, Le Suchet, Le Morond, Le Taureau.

Am dritte Juni vierenachzg stöh der Alain, der Jean-Paul, der Clément, der Guy u vo Cornol d Anne-Marie z Unterseen vor em Museum. Si zahlen Itritt u ir Ingangshalle steit dä Chisu. Lue wi dä härzig driluegt. Wi bsteut u nid abghout. Der Peugéot J (Schi) 7 steit vor em Museum ir blaue Zone mit offener Hecktür. D Annemarie tüscht itz en Ohmachtsafau vor, d Kassefrou chunnt cho z renne u begleitet se in es Näberümli. Di vier Manne probiere der Stei z lüpfe. Nom de dieu, qu’est-ce qu’il est lourd! Mont Rond, Mont d’Or, Chasseral.

Si schaffes, dä 167-Pfünder uf d Ladeflächi vom J7 z lege. D Annemarie chunnt itz cho z springe, der Motor louft scho u furt u wägg si si mitsamt em Unspunnestei. Heilanddonner, Stärnesiech Kanonerohr!

Das Stückli us em Kanton Jura geit speter de no witer.

Es touche ganz viu Rösser uf un e berüemte Ritter.

E Botschaftsfrou wo Model isch, e Chemp verziert mit Stärne.

U d Wiudsöu hei de d Widder gschlage, der Südjura blibt Bärner.

 

 

 

 
 
 
 
 
 
 
 
 
 

Drucken E-Mail

News aus Lyss

    


 

Infos hier

 


Beitrag vom Lokalfernsehen Lyss über die Entstehung und Geschichten rund um die ReLYef

zum Beitrag

 LolyLogo klein

 


Film über Lyss (zur Verfügung gestellt von der Gemeinde Lyss)

Lyss in Wort und Ton

 


Wetter in Lyss

Kontakt

Verein Tourismus Lyss - Marktplatz 15 - 3250 Lyss 

Tel. +41 32 387 07 40

 Mail an Tourismus Lyss